Virus wabisabi

Ola a tod@s, cando falamos de “El verdugo” en clase, concluíamos con  “A vida te pilla a pesares da  túa vontade”. E iste é un deses momentos en que a distopía deixa de ser virtual para converterse case nun pesadelo real  do que queremos espertar canto antes. Son días que ficarán na vosa memoria para sempre. E de seguro que moit@s  ides descubrir cousas sobre vós mesmos que non sabiades que estaban aí. Ao mellor, que está ben loitar por un futuro que garanta que non volten situacións similares. Boa sorte e coidádevos. O meu correo está a vosa disposición para calquera cuestión: pacharistas@gmail.com

E sen mais imos ao choio coas tarefas de Cultura Audiovisual para o mes de MARZO.

CULTURA AUDIOVISUAL 2  

O tema do mes de marzo, era o exercicio de continuidade narrativa “De Grifhith a Spielberg”. Quedábame por explicar parte do contido, mais está todo aquí:

<

De Griffith a Spielberg from Manolo Gonzalez
O Exame de contidos desta presentación queda aprazado (O resumo básico é o tema 3 da ABAU que está aquí.

Tamén considerei interesante adxuntar algúns materiais máis -da miña colleita- tendo en conta que tedes mais tempo para ler. (Adescargar)
Buscando una historia desesperadamente (sobre o proceso de procura de historias)
Escribid, escribid, malditos (sobre a escrita de guión)
Sobre todo preproducción (Fase de preproducción). Desactualizado
Preprodución inmediata /(Fase de gravacion) Desactualizado
Zafarrancho de combate (Equipos de rodaxe). Desactualizado

Xa sabemos que a práctica  tiña que ser colectiva e grupal, mais por razóns obvias non poderá ser

Propoño pois que a fagades individualmente na casa. Tratase dunha pequena peza con 15 ou mais planos e un par de movementos de cámara (3-5- minutos) no que demostres que coñeces as regras do cinema industrial e non cometes erros de  gramática e de continuidade (racord, montaxe invisible, iluminación naturalista, verosimilitude, etc).

A)     Podería ser unha historia coa xente da túa familia, gravada na casa, tendo en conta o que está acontecendo no espazo off (a cuarentena).

B)      Podería ser unha historia coa técnica de stop motion, realizada con obxectos, recortábeis ou similares.("De Melies a Tim Burton")

C)      Ou fai o que queiras, mais non esquezas que o importante é que fagas unha peza “clásica”, desta vez sen moita "artistada".

Na medida que fose posible estrenaríamos as vosas creacións dándolle bola nas redes sociais e convertendo cada estrea nun acontecemento..  Non tedes excusa... Poñédevos a filmar XA. Tod@s agardamos as vosas creacións. Prazo: 30 de marzo.  Lembrade que a entrega anticipada ten premio
E @s que tedes traballos pendentes poñédevos ao día e así aprobaredes a asignatura.

E por favor escribide no blog o que vos pete.  Tamén podedes facer un diario filmado ao estilo Jonas Mekas, que vimos no tema do  Documental. Todo ese traballo voluntario estará reflectido na nota..

CULTURA AUDIOVISUAL 1

Xa sabedes o que tedes que facer. Repasar ben as presentacións e facer un comic que polo menos gane o primeiro premio no festival deAnguleme.  Tamen podedes cambiar de historia e contar o que vos está acontecendo durante a cuarentena. Podemos publicalos neste blog. para animalo un pouco máis...Prazo: 30 de marzo
Aquí están as presentacións para inspirarvos.

4. Relato secuencial (1)
5. Relato secuencial (2). Comic